KDL-SEFOPE Prepara Esbosu Lei Regulariza Traballadór Infantil

Lafaek News–Labarik sira ho idade minoridade kontinua abandona sira nia tempu goza iha edukasaun no saúde hodi halo servisu todan tanba fatór ekonomia iha familia uma laran.

Komisaun Nasionál Direitu Labarik servisu hamutuk ho parte relevante sira aprezenta sei esbosu lei ba Konsellu Ministru bainhira hetan aprovasaun atu  elimina atividade traballu infantil Timor Leste.

“Ida ne’emaka prejudika labarik sira nia desenvolvimentu fíziku no mentalildade inklui mós sira nia psikolójiku sira, tanba fatór sira ne’ebé dudu labarik sira ba halo servisu ne’e maka ita nia rendimentu ekonómiku no fatór ki’ak familia no mós fatór dezempregu ne’ebé as iha Timor dudu labarik sira atu servisu hodi sustenta familia atu aumenta ekonomia familia,” dehan Xefe KDL, José Correia da Piedade, ba jornalista sira iha timor plaza, kinta, (29/10/20).

Xefe departamentu programa polítika peskiza ba komisaun direitu labarik (KDL), Jose Correia Piedade, hateten, liga ba asuntu direitu labarik sira lo-los ne’e ezerse sira nia funsoens i goza sira nia direitu tomak iha área eduksaun, saúde i hetan domin husi familia maibé narealidade labarik sira tenke halo fali servisu hodi apoiu familia.

 “Esbosu lei ba traballu infantil iha ona agora ita haruka ona ba konsellu ministru maibé sei kaduka hela iha ne’aba, liga ba iha direitu labarik enjeral lolos ne’e iha violasaun direitu no lolos ne’e labarik sira goza sira nia direitu labarik ne’ebé estadu retifika,” tenik nia.

Nune’e mós Diretor Ezekutivu SEFOPE Aniceto Leto-Soro, ne’ebé nu’udar  Prezidente Komisaun Nasionál Kontra Traballu Infantil (KNTI), fundamenta ba da-daun parte SEFOPE ho Komisaun Direitu Labarik prepara hela esbosu lei nune’e iha tempu badak aprezenta ba Konsellu Ministru hodi diskute.

“Lei ne’e agora ita prepara hela, no seidauk define lo-loos atividade perigozu maka ida ne’ebé tanba ne’e maka ita presiza lei ida hodi lista atividade perigozu no ita iha ona draft, se aprova ona iha konsellu ministru sai ona baze legal ita publika no atividade ida ne’ebé maka bandu ba labarik sira,” dehan nia.

Atividade perigosu ne’e presiza lei ka regras atu bandu ba labarik idade minoridade husi 5 to’o 12 ne’e lei bandu totalmente labele halo atividade, maibé idade 13 to’o 15 ne’e bele halo atividade ne’ebé kma’an mas tenke define atividade.

Bainhira lei ne’e aprova sei hahú peskiza iha 2021-2025 atu bele hala’o servisu ne’e, husi pekiza kualitativa ne’e hetan apoiu husi UNICEF servisu hamutuk ho organizasaun internasionál traballu (OIT) no mós SEFOPE bele hare’e labarik sira ne’ebé involve iha atividade servisu perigozu.

 

Jornalista  : Pedro de Almeida

Editora      : Nelya Barros

Tinggalkan Balasan