Sidadaun Indonézia Ida Pozitivu Covid-19, Iha Ona Izolmentu Vera Cruz  

Lafaek News-Vise koordenador Jerál Surtu COVID-19, Narsizio Fernandes, Informa relasiona ho pesoal ne’ebé kona kazu pozitivu agora dadauk iha ona sala Izolamentu Vera Cruz hosi sidadaun Java Indonézia.

“Ha’u hakarak konfirma kazu pozitivu ne’e mai husi Java Indonézia ho sexu mane ho idade 46 anos,”dehan Vise Koordenandor Jerál Surtu COVID-19, Narsizio liuhosi konferénsia imprensa iha Palasiu da Sinzas, Kaikoli Díli, (04/08/2020).

Nia hatutan, kronolojia hosi pasiente ne’e mai ho aviaun Citilink agora dadaun iha ona Izolamentu Vera Cruz.

“Kronolojia husi viajen pasiente nian mai hosi Indonézia ho Aviaun Citilink iha dia 21 Jullu 2020, depois iha dia 22 de Jullu nia tama mai Timor-Leste, ekipa vijilansia simu no lori kedas mai iha konfinamentu Tasi-tolu, no agora dadaun Pasiente ne’e agora tama ona iha fatin Izolamentu Vera Cruz,” dehan nia. 

Tuir dadus ne’ebé agora daduk iha maka hanesan totál kumulativu komfinamentu obrigatóriu hamutuk rihun haat atus rua haat nulu resin haat (4244), sai negativu 4186 no totál ema ne’ebé agora dadaun iha kuarentena iha 256 pesoas no auto kuarentena iha 144 iha Dili 400 no Munisípiu iha 4.

Nune’e, ema ne’ebé liu ona kuarentena iha 2883 no hosi Dili 2462 no Munisípiu 422.

 

Jornalista   : Egidio Nono

Editór          : Floriano Soares

Tinggalkan Balasan