Juventude Hamutuk 113 Lee Livru Durante Fulan Ida

Nelania Lopes Doutel Sarmento

Lafaek News– Co- Fóunder ba INpaktu Youth Timor-Leste (IYTL), Nelania Lopes Doutel Sarmento, hatete, programa 100 people reading movement ne’e organiza husi movimentu fóin sa’e ho naran INpaktu Youth Timor-Leste ne’ebé kompostu husi Timor oan nain rua no Malaysian nain ida ho ojetivu atu kultiva kultura lee iha Timor-Leste.

Co-fóunder hateten inisiativa ne’e mosu tanba durante pandemia Covid-19 iha estudante barak la bele asesu ba lee no materia eskola maske sira tuir materia online maibé la iha efetividade tanba sira la toman lee online entaun sira mai ho idea atu organiza movimentu lee online ba ema nain 100 ho intensaun atu empodera no maximiza hanoin krítiku iha joven sira liu husi Lee livru.

“ami hahu halao programa ne’e liu husi registration iha dia 22 de maiu no ami konsege hetan 113 pessoas husi 113 pessoas ne’e ami fahe ba grupu 21 ne’ebé agora dadaun halo hela lee online fulan ida kona ba livru non-fiction ne’ebe iha kategoria ne’en (6) hanesan Entrepreneurship, Work and Success,Technology and Future, Mindfulness and Happiness, Management and Lidership no Money and Investment. Livru sira hotu iha lingua Ingles tanba ita sidauk iha livru versaun Tetun maibé ida ne’ebé ajuda estudante sira atu bele komprende no ko’alia lingua Ingles ho diak” dehan Co-fóunder, Nelania Lopes, iha edefisiu Knua Juventude Fila liman, Kuarta (24/06)

Nelania hatutan Atu halo programa ne’e hetan apoiu maximu husi Embaxada Estadus Unidos de Amerika iha Dili, Misaun Estadus Unidus ba ASEAN no hetan apoiu volontariu hamutuk 21 ne’ebé mai husi organizasaun ne’en (6)ne’ebé sai mentor ba joven 113 durante lee iha fulan ida nia laran hahu husi loron 15 fulan juñu ba too iha loron 13 fulan jullu tinan ne’e.

“Bazea ba estatistika registrasaun ne’ebé ami halo hatudu  Partisipante ba lee nain mesak joven ho idade 16 ate 26 no maioria mau husi universidade maibé ba Sekudariu iha ida rua

Nia preokupa programa durante la’o liu husi online tanba ne’e partisipante hetan difikuldade iha asesu internte maibé ami oferese nafatin ba sira kota pulsa atu nune’e bele fasilita sira hodi bele lee.

“Durante programa ne’e la’o maneira ami uza mak partisipante 113 ne’e ami fahe tuir grupu ho mentor ida- ida, kada semana grupu sira pelumenus kompleta kapítulu ida husi livru refere no iha fim de semana mentor ho nia halo diskusaun ba livru refere no iha mos Webinar no iha Webinar ne’e ami konvida orador ida ka liu atu mai ko’alia kona ba importansia husi lee livru no oinsa atu lee ho efisiente no efetivu” esklarese nia

Entretatu tuir planu se entuantu programa ne’e fó impaktu positivu ekipa hakarak atu kontinua progarma ne’e tanba dalan uniku atu haburas kultura lee,  empode ema nia kapasidade no kria hanoin krítiku kontrutivu  iha Timor-Leste presija duni inisiativa hanesan.

Iha sorin seluk partisipante husi movimentu lee livru, Jenilton dos Santos, apresia ba programa 100 people reading movement ne’e  tanba fó ona oportunidade ba sira atu aprende oinsa atu lee no komprende kontiodu livru

“Agradese ba programa ne’e tanba ajuda ona atu atu dezenvolve ami nia lingua Ingles no oinsa ami bele lee ho badinas laos ida ne’e de’it maibé fó mos biban mai ami atu halo diskusaun ho ami nia metor kona ba livre refere no husi ne’e ami bele fó konkluzaun ba livru ne’ebé ami lee” dehan nia

Jenilton salenta espera katak  depois de programa ne’e hotu bele iha kontinuasaun ne’ebé nakonu ho kreatividade atu nune’e partisipante sira bele antuziasmu nafatin hodi lee no bele aburas liu tan kultura lee iha ita nia rai doben Timor-Leste.

 

Jornalista   : Felisberto Fernandes da Costa

Editora       : Nelya Barros

Tinggalkan Balasan