Jornalista Internasionál Fasilita Formasaun Jornalizmu Ba Lafaek News

Lafaek News-Jornalista hosi mídia internasionál hanesan, Reporter tribun news, Geo media Jakarta, Reporter Metro TV no Rádio tri WIjaya Jogja, fasilita formasaun jornalizmu báziku liuhosi vídeo konferésia ba jornalista no estaziáriu sira hosi mídia online Lafaek News.

“Formasaun ida-ne’e importante tebes. Oportunidade diak tebes ba ita atu oinsá bele aprende hamutuk ho jornalista sira hosi nasaun estranjeiru,” dehan Diretór Lafaek News Floriano Soares, iha sesaun abetura ba formasaun jornalizmu báziku ho jornalista internasionál, iha Uma Mahon, Balide, Sábadu, (19/09/2020)

Diretór ne’e akresenta, sente orgullu tanba úniku dia Lafaek News mak bele realiza formasaun liuhosi vídeo konferénnsia ho jornalista internasionál sira, maske foin hamriik maibé bele realiza atividade formasaun sira ne’ebé mídia boot sira seidauk bele halo.

“Tanba ne’e husu ba ita hotu atu aproveita momentu ida agora hodi bele aprende ho ema seluk oinsá ita bele akapta ema nia matenek ho di’ak liuhosi formasaun ida ne’e” nia korajen.

Enkuantu koordenadór formasaun hosi Lafaek News, Averio Ximenes, reforsa liután, formasaun refere impotrante tebes tanba ne’e husu ba hotu-hotu atu aproveita ho tempu ohin loron atu bele hetan buat di’ak ruma hosi jornalista internasionál sira.

Ohin ita sei tuir formasaun aplikasaun zoom, ita sei koalia kona-ba jornalizmu báziku, ne’ebé, ha’u husu ba kolega jornalista sira hosi mídia online Lafaek news atu husu perguntas barak, ne’e hanesan oportunudade di’ak para atu aprende saida mak jornalista internasionál sira hala’o, tanba ita atu esplora ema nia hanoin, no ita jornalista ne’e ema ne’ebé loron-loron moris ho pergunta,” dehan Averio.

Entretantu iha formasaun refere partisipa másimu hosi jornalista Lafaek News no modera hosi Deolinda da Silva Pinto, no formadór hosi jornalista internasionál hanesan, Monica Gracia hosi Metro Tv, Helen Margarina hosi Geo mediagroup, Yova Lestari hosi MNC 97.0FM Trijaya no Galuh Palupi hosi Tribun News.

 

Jornalista : Egidio Nono/Rita Moniz

Editór         : Lino Aparicio

Tinggalkan Balasan