JICA Apoiu Ekipamentu Saúde Ba SSF

Lafaek News—Diretora Saúde Munisípiu Dili (DSMD) Agostinha da Costa Seguarda, katak ekipamentu saúde nian ne’ebé apoiu husi  Japan International Cooperation (JICA) bá Sentru Saúde Formoza (SSF) nune’e atende pasiente sira.

“JICA apoiu ekipamentu bá Sentru Saúde Formosa atu nune’e pesoal saúde sira iha sentru refere bele utiliza hodi atende pasiente sira, liu-liu hodi utiliza atu halo tratamentu bá inan no oan,” dehan Diretora Saúde Munisípiu Dili (DSMD) iha komunikadu ne’ebé lafaek news assesu iha loron kuinta (30/07/2020).

Enkuantu Seremonia intrega apoiu ekipamentu sira ne’e hala’o iha loron 28 fulan Jullu 2020, iha sentru saúde Formosa.

Hodi ne’e, xefe reprezentativu JICA Timor-Leste, Goto Ko, intrega simbolikamente ekipamentu hirak ne’e ba Diretora Saúde Munisipiu Dili, Agostinha da Costa Seguarda.

Ekipamentu sira ne’ebé entrega husi JICA ba Sentru Saúde Formosa (SSF) mak, ABN Tension Meters, Dijtál Omron HEM-7203 Tension meter, Doppler Hi-Bebe Bistos LCD BT-20, no Autoclave steam Sterilizer.

Iha biban ne’e mós Diretora Saúde Munisípiu Dili haktuir, ho governu Timor-Leste liu hosi Sentru Saúde Formosa agredese ba apoiu ekipamentu hirak ne’e ne’ebé JICA apoiu.

“Ekipamentu hirak ne’e importante tebes hodi atende pasiente sira, liu-liu inan no oan. Kuaze sentru saúde barak mak laiha ekipamentu hirak ne’e, tamba sira infrenta problema orsamentu ne’ebé limitadu hodi sosa ekipamentu sira ne’e,” fundamenta Diretora iha komunikadu.

Nune’e nia, husu JICA atu kontinua fó apoiu ba sentru saúde Formosa no bele apoiu mós sentru saúde sira seluk, inklui kontinua destaka JICA nia voluntáriu japones sira ne’ebé iha profesionalidade ba area saúde nian.

Entertantu iha fatin hanesan, xefe reprezentante JICA Timor-Leste husu atu parteira sira atu utiliza ho didiak ekipamentu hirak ne’e hodi atende pasiente sira.

“JICA kompremete katak iha futuru sei kontinua destaka JICA nia voluntáriu Japonezes sira ne’ebé iha professionalidade iha area saúde hodi apoiu desenvolvmentu area saúde iha Timor Leste,” representa JICA hakotu.

 

 Jornalista            : Pedro de Almeida

Editora                 : Nelya Barros

Tinggalkan Balasan