Instituisaun PNTL Lakon Tan Membru UEP Ida

Lafaek News—Polísia Nasiona Timor Leste (PNTL), Unidade Espesiál Polísia (UEP) sente teiste lakon tan membru ida iha loron kuarta (06/10/2020), hafoin tratamentu saúde iha Hospitál Guido Valadares (HNGV).

Membru Unidade Espesial Polisia (UEP), Ajente Xefe Adelino Maia ho idade 40 resin, orijen husi munisipiu Likisá Postu Maubara, hakotu iis iha kuarta ohin, tanba sofre moras stroke,.

“komandu UEP sente triste tebes ba ami nia membru UEP nia mate tanba durante nee nia sempre apoiu servisu UEP nian tanba nia mai kedas husi Bateleão Orden Public (BOP),  halao servisu diak tebes no nia hahu servisu iha Polisia Nasional Timor-Leste (PNTL) iha tinan 2001,” dehan Komandante UEP Sulerintendente Xefe Orlando Gomes Ba jornaliata iha HNGV Bidau Dili, Kuarta 07/10/2020.

Komandante Unidade Espesial Polisia (UEP), Superintendente Xefe Orlando Gomes informa, membru UEP Ajente Xefe Adelino Maia hetan moras stroke too hakotu nia iis, sente triste tanba lakon tan membru UEP di’ak ida.

Superintendente Xefe Orlando konta, matebian Adelino ninia moras primeiru husi ain, tanba uluk nia ba komandu UEP sira haree ain ne’e moras duni, tan ne’e komandu UEP husu atu nia (Matebian Adelino), halo tratamentu ba nia ain, maibé matebian rasik lakohi atensaun saúde rasik

“ita sempre fo hanoin ba sira halo tratamentu maibé ita nia membru UEF feto ida mos foin lalais mate tiha ona iha fulan kotuk liu ba no sira seluk ne’ebé hetan moras kiik ba halo tratamentu iha klinika saude PNTL,” tenik Orlando.

Komandante ne’e dehan, komandu UEP iha responsabilidade atu apoiu parte lojistíka nia no buat ne’ebé familia sira presiza ajuda.

“Ami prontu ajuda saida mak familia sira preaiza nunee serimonia funebre bele la’o ho diak depois remata ninia serimonia funebre familia kopera ho rekursu humanus nasional atu matebian Adelino nia direitu nee ba oin kontinua,” Nia hakotu.

 

Jornalista : Orlando Magno

Editora      : Nelya Barros

Tinggalkan Balasan