Inan Faluk Isabel :Osan Obralan La Too Sustenta Uma Laran

Lafaek News—Inan faluk Isabel da Costa idade (60), lakohi soe tempu buka osan, loro-loron ba la sente kole no tauk loron nia manas fan ropa obralan (OB) hetan osan sosa hahán uma laran no selu oan ba eskola.

Inan faluk ne’e haktuir atividade negósiu ne’e lori nia osan rasik ho montante $300, no osan ne’e sosa fali ropa obralan hodi loke iha Tasi-Tolu, loron ida husi dadeer too lorokraik ema sosa too $10-15, hodi sustenta han hemu no oan nia eskola.

“Kada loron ida ha’u hetan rendimento $10 ou $15 Dolar osan hirak ne’e ha’u uza hodi Sustenta familia no hodi oan ba Eskola ha’u iha oan 7 (hitu) Feto nain 4 Mane Nain 3 feto nain 3 tolu forma ona uma kain hela nain 4 haat mak ha’u sei sustenta nafatin sira selu,” dehan Isabel da Costa ba Jornalista Lafaek News iha Tasi Tolu 06/08/2020.

Loron balun sente kontente, iha loron balun mós sente triste maibé iha laran de’it, tanba ema la sosa ropa, maibé pasiénsia no haraik an nafatin husi loron tomak too lorokraik aruma ropa didi’ak iha karon haloot hodi kontinua fan iha loron aban.

” Ha’u fan Obralan tinan 2 (rua) ona no osan sira ne’ebe ha’u hetan sidauk halo buat barak ha’u so bele deit sustenta familia uma laran,” nia dehan

Inan faluk ne’e sente moris ne’e sei difisil liután, tanba ohin loron ema barak mak fan ropa OB ne’e, nune’e impaktu tebes ba negosiante sira seluk, tan ne’e nia husu governu atu loke matan oinsá bele reforsa atividade negósiu kontinua la ba oin atu sustenta uma laran.

“Ha’u husu governu atu tau atensaun ba ami ne’ebé moris hanesan negosiante,” inan faluk ne’e espresa ho matan wen.

Estajiáriu      : Zeferino Barreto Gomes

 Editora         : Nelya Barros

Tinggalkan Balasan