Hein Rezultadu, Ema Kuarentena Otél Leukase Seidauk Reintegrasaun

Lafaek News –Diretór Gabinete Polítika Kooperasaun Saúde, Narcisio Fernandes informa Sidadun Kurentena obrigatoriu iha Otél Leokase seidauk halo reintegrasaun tamba sei hein ema nain rua nia rezultadu iha laboratóriu nasionál.

Diretur ne’e afirma, tuir planu katak ohin loron sesta (17/4), reintegrasaun  ema-nain  34 ne’ebé  kuarentena loron 14 iha Otél Leukase hodi deskonfinamentu ba iha munisipiu maibe    sei hein abstratu iha laboratoraiu nasionál.

“Hanesan ita hotu hatene, tamba iha sampel balun ne’ebé mak presiza halo mós komfirmasaun, no ohin dader ami hetan informasaun husi laboratoriu nasionál katak ita pendente oituan tamba sei halo komfirmasaun,” dehan Diretur Gabinete Polítika Kooperasaun, Narcisio Fernandes, ba jornalista sira iha Otél Leucase, Raikotu-Komoro, sesta, (17/04).

Nia esplika, Tuir informasaun katak ema-nain rua iha Otél Leokase sei halo testu sampel iha laboratoriu nasionál, tan ne’e sedauk autoriza atu reintegrasaun.

“Ema ne’ebé halo testu ba sampel hau labele hatene maibe tuir imformasaun ne’ebé laboratoriu fó mai ami iha Otél Leukase iha balun ne’ebé sampel foti ona mak iha ema nain rua,” tenik nia

Nia akresenta, lo-loos iha kuarentena fatin tolu ne’e hanesan iha Otél Leukase, Otél Licidere no mós Otél Sakura ema besik 84 atu halo reintegrasaun, maibe iha informasaun katak presiza halo komfirmasaun ba sira nia amostra.

“Ema iha Kuarentena iha fatin tolu ne’e hamutuk 84 nia sampel foti hotu ona, no kompletamente sira ne’ebé ohin atu sai feto hamutuk 37 no mane 47,” Nia esplika

Nune’e mós nia imforma, kestaun Covid-19 no mós kestaun seluk ne’ebé ema hotu-hotu presiza tau atensaun, tan ne’e objetivu oinsá atu halo prevensaun ba ema ida-idak no mós ba komunidade.

“Ita nia obejtivu maka atu halo prevensaun ba ita nia familia no ita ida-idak nia an no ba komunidade, tamba rezultadu horseik hatudu katak ho sintomatiku bele desenvolve iha ita-nia isin, tan  ne’e iha Otél Leokase iha mós sampel ida  ka rua ne’ebé mak momentu ne’e foti tanba ne’e pasiensia nafatin hein rezultadu,” nia hakotu

 

Jornalista         : Pedro de Almeida

Editór              : Nelya Barros

Tinggalkan Balasan