Hahú Ohin KMD Koloka Membru Polísia Rua Iha Kuarentena

Lafaek News—Segundu komandante PNTL munisípiu Dili, Superentemde polísia, Euclides Belo, informa hahú ohin tersa 13/10/2020, komandu sei koloka membru PNTL ema na’in rua kada kuarentena durante loron 14 hodi kontrolu sidadaun sira ne’ebé mai husi estranjeiru.

Segundu Komandante Munisipiu Dili Superintendente Polísia Euclides Belo, hateten KMD sei halo preparasaun atu garante seguransa ba estranjeiru ne’ebé mai husi Xina sei hela iha otél 5 too 6, kompostu husi otél Golgota, Piony, Fortuna,  chongty  no otél sira seluk.

“Ita nia estranjeiru ne’ebé mai tenke kumpri loron 14 tuir protokolu médiku nian depois mak bele hala’o atividade iha rai laran, tanba sira barak mak servisu kona-ba kontrusaun no servisu ne’ebé ita nia governu fo fiar ona ba sira’,” dehan Superintendente Polísia Euclides ba jornalista iha KMD kaikoli Dili, Segunda (12/10/2020).

Nia esplika, total sidadaun estranjeiru ne’ebé atu mai Timor-Leste, KMD seidauk hetan dadus konkreta, tanba ne’e sira prepara membru PNTL nain rua mak sei halo seguransa ba otel ne’ebé estranjeiru sira halo kuarentena perante loron 14.

 

 

Jornalista    : Orlando Magno

Editora        : Nelya Barros

 

 

Tinggalkan Balasan