Governu Japaun Oferese Bolsa Estudu Ba Estudante Na’in 30 Iha UNTL

Estudante UNTL, Edusinda Sandra Perreira Sanches. Foto LN

Lafaek News-Governu Japaun Liuhosi Japaun International Cooperation Agency (JICA) oferese bolasa ba Estudante Universidade Nasionál Timor Lorosa’e (UNTL), iha Fakuldade Enjeneria Siensia no Teknolojia (FEST) hamutuk na’in 30.

Tuir Estudante hosi Departamentu Enjenária eletronika, Edusinda Sandra Perreira Sanches apresia Governu Japaun ne’ebé make Oferese ona Bolsa ba Enjeneria na’in 30.

Tanba, Estudante ne’ebé prestasaun akademiku di’ak ho valor tres virgula, estudante FEST semester 3,5,7 ka empar ne’ebé iha prestasaun akademika ho valor di’ak sei hetan oportunidade.

“Ami na’in 30 iha FEST kompostu hosi departamentu lima hanesan, Enjenaria Sivil, Enjenaria eletronika, eletrika, Enjenaria informatika, Enjenaria mekanika no Enjenaria Jeologia e petroleum,” Dehan Edusinda ba jornalista sira iha auditorium FEST Hera, Kuarta, (15/07/2020).

Nia haktuir, Bolsa estudu ida ne’e la’ós atu ba rai liur ka nasaun seluk no estudante sira ne’ebé hetan bolsa ne’e atu ajuda estudu, maibé la’ós atu ba rai liur no ema ne’ebé valor di’ak mak iha direitu.

Tanba, kada tinan estudante ne’ebé valor di’ak nafatin hetan bolsa tanba hosi bele hanorin kolega seluk atu estuda maka’as nune’e prepara a’an ba futuru, hamutuk dezenvolve nasaun Timor-Leste.

Ha’u kontenti no apresia ba governu Japaun ne’ebé nafatin apoiu UNTL liuhosi FEST, espera kolaborasaun ba parseiru ida ne’e se la kotu iha dalan klaran,” tenik nia.

Iha fatin hanesan Reitór UNTL, Francisco Miguel Martins, informa, Osaka Gas hanesan empreza fornesedor enerjia ida iha Japaun desde tinan 2013, empreza ne’e oferese ona bolsa estudu ba estudante sira too agora.

Estudante UNTL atus ida hitu nolu (170) simu ona bolsa estudu, Númeru total ba bolsa estudu sei atinji atus-rua (200) iha tinan ida-ne’e.

“Estudante sira ne’e selesionadu liuhosi etapa prosesu selesaun kompetitivu lubuk ida Governu Japonese apoia ona UNTL desde tinan 2001 liuhosi JICA nu’udar parte ida ami nia kooperasaun ba dezenvolvimentu rekursu úmanu iha setór indústria,” Nia dehan

Nia akresenta, ambiente aprendizajen di’ak liu ba estudante sira, tanba peskiza fakuldade nian liu hosi Projetu ba Dezenvolvimentu Kapasidade Fakuldade Enjeñaria (CADEFEST), iha esperansa katak ida-ne’e sei kontribui ba dezenvolvimentu Gás iha Kampu Greater Sunrise.

“Ami espera Fakuldade Enjenaria Siensia no teknolojia, UNTL sei halo papel jerensiais iha kampu indústria oioin iha futuru importante Timor-Leste diversifika ninia indústria labele depende ba rekursu naturais no Dezenvolvimentu rekursu úmanu mak knaar ne’ebé possivel liuhosi esforsu hamutuk entre institusoens edukasaun, setór privadu no governu,” Nia informa.

Jornalista    : Orlando Magno

Editór           : Floriano Soares

Tinggalkan Balasan