Governu Esforsu Sei Regulariza MEDSOS

Lafaek News—Governu liu husi Ministériu Transporte no Komunikasaun (MTK), Oras ne’e esforsu atu kria regulamentu ba media social hodi deteta ID falsu.

Ministériu Transporte no Komunikasaun (MTK), José Agustinho da Silva, hatete, oras ne’e da-daun mandatu VIII governu esforsu ona hodi hare liu-liu sidadaun sira ne’ebé utiliza teknolojia la tuir regra ne’ebé mak iha hanesan utiliza teknolojia media sosial facebook hodi hasai estetmentu ne’ebé afeta ema seluk nia dignidade.

“Uza ID falsu oras ne’e ministériu transporte no komunikasaun(MTK) nia polítika mak oinsá mak dezenvolve regra ruma hodi regulariza ID falsu sira,”dehan MTK, iha abertura kongresu ICT-TL, iha salaun IOB, Fomentu II Dili, 5/11.

Enkuantu nia apela ba sidadaun hotu atu utiliza teknolojia tenke ho responsabilidade para labele uza teknolojia ne’e afeta ema seluk nia dignidade ema nian,

“em prinsipiu ita esforsu para iha regra ruma para regulariza sekarik ema ne’e uza meius komunikasaun ne’e bele afeta ema seluk nia dignidade oinsá mak bele prosesa tuir regra ne’ebé iha,”tenik MTK

Iha fatin hanesan, Prezidente Komisaun E Parlamentu Nasionál, Abel Pires, informa, serbisu kona-ba halo lei ne’e Parlamentu Nasionál mak halo mais atu prosesu ne’e la’ós liu tenke hein proposta husi husi governu

“klaru ke kria lei Cyber crime ne’e nesesidade duni maibé ita hotu hatene halo lei ne’e mak Parlamentu Nasionál maibé sé prosesu lalais liu di’ak liu proposta tenke mai husi governu maibé ita halo tenke haree ba ita nia kondisaun maibé tanba tinan tomak ita preukupa COVID-19,”tenik Abel Pires

 

Jornalista  : Egidio Nono

Editora       : Nelya Barros            

Tinggalkan Balasan