Governu Altera Dahuluk Ba Dekretu Lei Estatutu RAEOA

Lafaek News—Ministru Prezídensia Konsellu Ministru (MPKM), Fidelis Magalhães, afirma iha reuniaun konsellu ministru governu halo alterasaun dahuluk ba dekretu lei kona-ba estatutu Rejiaun Administrativa Espesiél Oé-Kuse Ambenu (RAEOA).

Dekretu lei ne’ebé halo alterasaun dahuluk ba dekretu lei estatutu RAEOA ne’e aprezenta husi Prezidente Autoridade Rejiaun Administrativa Espesiél Oé-Kuse Ambenu (RAEOA), Arsenio Paixão Bano, iha reuniaun konsellu ministru.

“Opsaun polítika lesjislativa subajente sira ba projetu dekretu lei kona-ba alterasaun dahuluk ba dekretu-Lei ba estatutu RAEOA nian,” dehan Ministru Prezídensia Konsellu Ministru (MPKM) fidelis Manuel Leite Magalhaes, ba jornalista sira iha palasio governu hafoin partisipa iha reuniaun konsellu ministru, kuarta, (14/10/2020).

Nia hatutan, prezidente RAEOA hakarak halo atualizasaun ba ninia kompeténsia no atribuisaun sira, armonizasaun ba ninia estatutu ho inisiativa lejislativa relevante sira-seluk no rezolusaun ba lakuna hirak ne’ebé eziste.

 

Jornalista   : Pedro de Almeida

Editora       : Nelya Barros

Tinggalkan Balasan