Bankada FRETILIN-PLP-KHUNTO Keixa Hasoru ACBN

Lafaek News—Sesta (16/05), reprezentante  bankada parlamentar kompostu hosi bankada FRETILIN, PLP no KHUNTO ohin hatoo keixa ida ba Ministeriu Públiku (MP) hasoru Assosiasaun Combatentes Brigada Negra (ACBN), liga ho aktu deklarasaun ne’ebé ameasa orgaun soberania Parlamentu Nasionál iha loron-15, Maiu 2020.

“Iha sira nia deklarasaun, Brigada Negra deklara katak karik vises PPN sira brani halo duni iha segunda mai ne’e maka ami aviza, ita boot sira loke dalan ona ba ami tomak atu la respeita tan leis no orgauns de soberania, ami sei mobiliza povu atu okupa kadeiras iha PN too prezidente republika dekreta dizolve parlamentu nasionál no konvoka eleisaun antesipada,” haktuir iha komunikadu  imprensa ne’ebé Lafaek News asesu iha loron sábadu (16/5)

Ho nune’e liga deklarasaun ACBN ne’e, bankada Parlamentar kompostu hosi partidu tolu ne’e konsidera nu’udar krime públiku no krime hasoru estadu tanba halo koasaun hasoru Orgaun Soberania estadu nian no tenta perturba PN ninia funsionamentu normal.

Ba ida ne’e, deputadu sira husi bankada parlamentar tolu ne’e maioria diskorda Jodi hatoo keixa ba Prokuradora Jerál Repúblika (PJR) atu hahú prosedimentu kriminál no loke investigasaun ba krime hasoru orgaun Soberania Estadu RDTL nian.

Jornalista   : Pedro Almeida

Editór         : Nelya Barros

Tinggalkan Balasan