FONGTIL Husu Aplika Lei Rigorozu Ba Estadu Emerjénsia Da-Haat

Lafaek News-Forum NGO Timor-Leste (FONGTIL) husu governu kria lei rigoruzu ba sidadaun hotu iha situasaun estadu emerjénsia da-haat atu bele prevene a’an hosi pandemia Covid-19 iha Timor-Leste.

“Ita haree hosi notísia balu katak, ema balun hetan ona kazu pozitivu, tanba ne’e atu regula ema seluk nia liberdade ne’e so parlamentu nasionál mak regula, liuhosi estadu emerjénsia ka estadu desitu,” preokupasaun ne’e, hato’o hosi Diretór FONGTIL, Daniel dos Santos ba Jornalista sira, Iha asaun pasifiku, Liceu Díli Tersa (04/08/2020).

Nia hatutan, governu iha intensaun atu aumenta tan estadu emerjénsia atu bele kombate Covid-19 iha Timor-Leste, hanesan desizaun ne’ebé maka públiku apoiu hodi extende tan EE ba da-haat, tanba haree ba iha parte rekursu humanu TL rasik sei iha failansu boot.

“Alternativu maka estadu emerjénsia atu bele limita tiha movimentu sidadaun balun nomós ho atvidade ne’ebé maka sira halo, hodi bele evita tiha transmisaun lokal,” Nia fó hanoin.

Diretór FONGTIL mós husu ba parte kompotente sira atu bele halo regulamentu ne’ebé rigorozu, nune’e atividade sira iha sosiedade sira bele la’o hanesan bai-bain, maibé kumpre nafatin regras ne’ebé maka hosi saúde mundiál deklara tiha ona.

“Atu implementa estadu emerjénsia tenke kria mós lei balu atu bele regula transporte terestre, marítima no aero hodi labele afeita virus ne’ebá komunidade sira,’’ Nia hakotu.

 

Jornalista  : Manuel Andrade

Editór         : Floriano Soares

Tinggalkan Balasan