Fidelis: Ministru MF Sei Iha Faze Rekuperasaun Saúde

Lafaek News–Ministru Prezídensia Konsellu Ministru (MPKM), Fidelis Magalhaes, hateten Ministru Finasas (MF), Fernando Hanjam, iha hela faze rekuperasaun saúde, maibé kona-ba rejignasaun nia parte la fó komentáriu.

“Ami la komenta, laiha informasaun ruma kona-bá ida ne’e, ha’u mós rona ona perguntas balun husi kolega media sira kona-bá asuntu ida ne’e, mas laiha informasaun ruma para ami bele divulga ba públiku kona-bá asuntu ida ne’e, ke sertu  munistu iha hela faze rekuperasaun ba ninia saúde,” dehan MPKM, Fidelis Magalhaes, ba jornalista sira iha palasio governu, kurta, (14/10/2020).

Governante ne’e dehan, kazu kona-bá ministeru finansas Fernando Hanjam, ne’ebé atu rejigna an husi nia kargu ne’e la eziste nune’e nia la fó komentáriu ligadu ho asuntu ne’e.

“No Coment de’it tanba ita laiha buat ida atu komenta, se ita dehan signifika seidauk hetan informasaun ruma hanesan halo insinuasaun dehan buat ne’ebé ita boot husu ne’e eziste, maibé kazu ida ne’e laiha duni no laiha diskusaun ruma kona-bá asuntu ida ne’e, ne’eb’e asuntu ida ne’e la eziste,” Fidelis esklarese

Jornalista      : Pedro de Almeida

Editora           : Nelya Barros

 

Tinggalkan Balasan