Ezekusaun OJE 2020, MI Planu Selu De’it Dívidas

Lafaek News—Vise MInistru Interior (V-MI), António Armindo, afirma OJE 2020 sei selu de’it dívidas ba iha funsionariu millaun $.13,  PNTL nian millaun $.32 .

Vise Ministru Interior hatoo asuntu ne’e hafoin hamutuk ho SEPS, Joaquim Gusmão, hasoru malu ho Primeiru Ministru, Taur Matan Ruak, sesta (25/09/2020), iha palasiu governu.

“PNTL nia dividas iha  iha millaun 2 resin ne’e atu selu ba sira nia dividas manutesaun, internet no dividas sira ne’e hahu kedas mai husi 2015 too agora hafoin ita selu hotu tiha dividas tinan 2021 ita tau osan foka liu ba dezemvolvimentu instituisaun no haree fali ba dezastre naturais ne’ebe akontese iha rai laran,” dehan V-MI Antonio ba jornalista iha palasiu Governu Dili, Sexta (25/09/2020).

Vice Ministru ne’e relata, ida ne’e hanesan mos enkontru semanal kuandu enkontru ho superior automatikamente sira hetan orientasaun oinsa atu kontinua servisu ho diak servisu tuir dalan legal nune’e la bele iha problema ida ne’e mak babain sira simu husi Superior.

Iha fatin hanesan, Sekretáriu Estadu Protesaun Sivíl (SEPS), Joaquim Gusmão hatete, iha nia parte ba Bombeiru iha tinan 2020 sira la bele tau osan maibé iha diskusaun fo servisu hodi tau osan ba 2021.

“iha semana kotuk ita iha difikuldade atu kombate inséndiu ho tipu ne’ebe hanesan mina, oleu no gazoel sira ne’e hotu iha difikuldade tanba la iha ekipamentu apropriadus ba ida ne’e nune’e ita preve husu atu bele sosa ekipamentus kombate insendius tanba iha tinan 2021 ita sei solusitas ba ekipamentus sira,” SEPS Joaquin akresenta.

 

 

Jornaliata : Orlando Magno

Editora      : Nelya Barros

Tinggalkan Balasan