Eugenio Konsidera  Pio Ataide  La’os Lia Na’in Karketu Motain

Koordenador Lia Nain Eugenio Sarmento

 Lafaek News—Relasaun ho karta petisaun ne’ebé lia na’in husi Karketu Motael, Apio de Ataide hato’o karta petisaun ba Prezidente Parlamentu Nasionál (PPN) Aniceto Guterres, ho nune’e  Koordenadór Lia na’in husi Sekretáriu Estadu Arte no kultura (SEAK), Eugenio Sarmento, konsidera Pio Ataide la’os lia na’in karketu Motain, tanba la hatene hamulak.

“Pio de Ataide, nia la’os lia na’in maibé nia hanesan liurai karketu nia oan nia hamulak la hatene, ema lia na’in ne’e tenke hatene hamulak labele hamulak la hatene lian mambae mós la hatene ita horbainhira mak liurai oan ida sai fali lia na’in ida, se liurai oan tenke nafatin liurai oan labele hadau fali kna’ar lia na’in,”dehan kordenadór lia na’in, Eugenio Sarmento iha Serimonia harií meza PPN, iha resintu PN, tersa (08/09/2020).

Antes ne’e husi familia Ataide halo karta ida ba Sekretáriu Estadu Arte no Kultura (SEAK), iha tinan kotuk hodi indika João Ataide Alias ‘Acoli’ hanesan responsavel ba kultura tradisionál iha uma lisan Karketu Motain no hetan koñesimentu husi autoriedade lokál  to’o administradór.

Ho  karta ida ne’e mak husi SEAK  husu ba João ho nia lia na’in tolu reprezenta Karketu motain iha serimonia repozisaun meza lulik Parlamentu Nasionál, husi Dili nian hanesan lisan,  Lakoto, Manumata, no mos karketu ne’e reprezenta ona,

Eugenio Argumenta nia parte la hatene kona-ba karta petisaun husi Pio de Ataide, nian maibé ne’e direitu hanesan sidadaun hodi espresa sira nia direitu.

“Ha’u lahatene karta petisaun kona-ba saida ne’e, ha’u mós la asesu tan nutísia kona-ba ida-ne’e, husik ba nia(Pio) hato’o ba tanba sidadaun iha direitu atu espresa sira nia hanoin ita respeita,”tenik nia.

Enkuantu iha loron horsehik 07/09/2020, lia na’in Karketu Motain Pio de Ataide hato’o petisaun ba  prezidente parlamentu nasionál no bankada sira iha PN kona-ba serimonia rituál ba meza parlamentu nasionál nian la tuir ninia fukun no la konsidera uma lisan husi munisípiu Dili.

 

Jornalista  : Jornalista Egidio Nono

Editora      : Nelya Barros

Tinggalkan Balasan