Desde Timor Ukun-a’an, Suku Hatugau Nafatin Laiha Eletrisidade 

Suku Hatugau nafatin halerik ba eletrisidade, Kontinua uza lentil ka solar panel Durante sanulu resin ona. Foto LN / João da Costa Soares

Ermera (Lafaek-News)-Maske Timor ukun-a’an tinan sanulu rersin ona, maibé komunidade Suku Hatugau, postu administrativu Lete-Foho Munisípiu Ermera nafatin halerik ba eletrisidade no kontinua uza Lenti (tenaga suria) to’o ohin Loron.

“Ami uza manual ne’e mak lenti de’it, kuandu eletrisidade ne’e iha, ita bele sosa komputadór ruma bele tau iha ne’e, agora eletrisidade laiha ami kontinua uza lenti to’o ohin loron,” preokupsaun ne’e hato’o hosi komunidade Rui Soares ba Lafaek News, Iha sede Suku Hatugau,Sesta (17/07/20).

Nia hatutan, eletrisidade  laiha uza lentin mós hanesan de’it, tanba Komunidade balu iha osan mak sosa lenti, balu osan laiha la sosa, entaun komunidade presiza liu mak eletrisidade ne’e tenke tama.

Fatin hanesan, Xefe Aldeia Cailiti Suku Hatugau, Hatete,  iha suku ida ne’e preokupa liu mak eletrisidade tanba iha barak uza liu mak lenti, nune’e bele prezdudika mós ita nia oan sira estuda, tanba ne’e hakarak oan sira estuda ba oin, presiza liu mak Eletrisidade.

 “Agora dadaun ami uza Solar panel ka Lenti, kuandu la agmenta ami mós uza mina rai,” informa Bartolomeu Soares Ba Lafaek News iha Suku Hatugau.

  Eletrisidade  Latama, agora uza nafatin lenti, tanba iha Munsípiu seluk, Suku seluk hetan ona eletridade no suku Hatagau seidauk hetan, senti hanesan tinan sanulu resin ona seidauk ukun-a’an ida.

 Hatan ba preokupasaun hosi  Komunidade husi Suku Hatugau, kona-ba Eletrisidade Xefe CDO postu Lete-Foho, Luis do Carmo iha Aministrasaun Lete-Foho, hatete, Iha Lete-Foho uniku Suku Hatugau mak Eletrisidade seidauk tama, Mais hosi Suku sira seluk besik estrada ninin ahi tama hotu ona.

“Ami mós ejiji ba kompañia sira ne’ebé mak atu tama mai dada Eletrisidade sira mós tenke ko’alia ho loloos atu nune’e populasaun sira mós bele hetan Naroman,” nia rekomenda

Ho ida ne’e, ejiie ba Governu liu-liu kompañia balu ba manan tenderizasaun ruma bele fó apoiu ba dada eletrisidade suku sira Liu-Liu, suku Hatugau. 

Nia promete, ho esforsu ba oin tau iha proposta Governu ninian atu nune’e bele realiza iha tempu badak nian laran, tanba populasaun barak mak dadauk ne’e efrenta hela nakukun.

 

Jornalista   : João da Costa Soares

Editór          : Floriano Soares 

 

Tinggalkan Balasan