Defisiente Gabriel Uza Ain Hanesan Meza Hodi Hakerek Materia Iha Aula UNTL

 Lafaek News— Estudante ida husi Universidade Nasionál Timor Loro sa’e (UNTL), Fakuldade Siénsia Sosiál, Gabriel de Olveira de Araujo, ho kondisaun defisiénsia tenke utiliza nia ain hanesan meza hodi hakerek materia ne’ebé dosente sira hanorin.

Bainhira iha konversa ho jornalista Lafaek News, Gabriel espresa nia sentimentnu triste ba jornaista hodi dehan, loro-loron hakerek materia tenke uza ain hanesan meza hodi tula kadernu iha ain leten hafoin bele hakerek, tanba meza proproiu defisiénsia nian iha universidade seidauk iha atu fasilita defisiénte ne’e hakerek ho vontade.

Gabriel hahú nia estudu iha UNTL hahú iha tinan 2017, durante tinan haat (4), universidade la fasilita defisiénsia ne’e ho meza defisiente nian oinsá bele hakerek no tuur ho dignu.

“ Ha’u senti triste tebes bainhira hakerek ha’u tenki uza ain hanesan meza maka bele hakerek tamba  meja no kadeira ba ha’u laiha  hodi bele tu’ur no hakerek,” dehan difisiente Gabriel de Oliveira de Araujo ba jornalista lafaek news  iha UNTL FCS Kaikoli, kuarta 09/09/2020).

Defisénsia esplika, durante Gabriel aprende iha  universidade públiku ne’e nia uza rasik nia kadeira roda maka bele tuur  hodi tuur iha aula, tanba kadera epesial ba defisénsia laiha atu fasilita ema sira e’ebé kondisaun defisiente uza atu hakerek, situasaun ne’e obriga defisiénte tenke lori nia kadeira rasik husi uma ba eskola hodi apoiu nia iha prosesu aprendizajen.

“Ha’u uza rasik kadeira roda ne’ebe hau iha maka uza hodi tuir aula no kadera ne’e rasik mak hau uza hodi hakreke tanba mai ha’u meza la iha ne’ebé  ha’u tenke tau kadernu iha ain maka bele hakerek maibé hakerek iha ain leten mós haú sente araska los no ha’u sente ha’u la’os hanesan ema estudante,”  konta defisiénsia ne’e,

 Defisénsia ne’e hatutan , edukasaun ko’alia buat ne’ebé di’ak de’it, maibé realidade la hanesan sira ko’alia nune’e husu ba sira bele kria fasilidade ne’ebé di’ak atu nune’e sira hotu bele hanesan, tamba kolega sira seluk iha meza no kadeira ba sira kompletu hodi bele uza hodi hakerek .

Iha fatin hanesan diretór Departamentu Dezenvolvimentu Komunitaria no Inkluzaun Komunitaria Sosiál, Mateus Tilman, hateten  normalmente iha aula kria espasu ba difisiente sira atu nune’e bele tama ho sira nia kadeira roda hodi bele tuur.

“Ami advokasi nafatin iha ami nia enkontru fakuldade no dekanu mos hato’o  nafatin iha universidade, maibé depende ba universidade atu responde ba difikuldade ne’e inklui mos live atu sira bele asesu aula ne’ebé iha leten” dehan Direitor Departamentu Dezenvolvimentu

 Mateus relata, Universidade Nasionál Timor-Loro sa’e iha planu ona atu bele prepara kadeira ne’ebé propriu ba difisiente sira, kadeira ne’ebé atu prepara ba sira maka kadeira ne’ebé espesifiku ho kadeira  sofá no lahanesan ho kadeira ne’ebé ba ema normal.

Ovservasaun lafaek news ba estudante defisiente Gabriel  Loron-loron tuir aula iha uza rasik nia kadeira roda atu bele tuur hodi hakerek,  tanba universidade seidauk iha meza no kadeira ne’ebé espesial ba nia atu bele tuur hodi hakerek.

                                                                                                                                

Jornalista       : Sónia de Almeida

Editora           : Nelya Barros

Tinggalkan Balasan