Daniel Marçal Enkoraza Joven Evita Aan Seksu no Ransu Livre

Lafaek News–Sekretáriu Ezekutivu Kominisaun Nasionál Kombate HIV/SIDA Timor-Leste (CNCS-TL), Daniel Marçal, husu joven sira liu-liu estudante sira atu proteze an hosi transmisaun HIV-SIDA, liu hosi atividade seksu no ransu livre.

“Ha’u husu ba joven no ema hotu, atu proteje  an husi transmisaun HIV ne’e, bainhira feto ida ho mane ida atu atu halo relasaun seksuál presiza hanoin antes atu halo relasaun seksuál,” Daniel Marçal ba Lafaek News iha edefísiu CNCS-TL praia coceiros sesta foin lalais ne’e

Daniel hateten, iha baze legal rua ne’ebé importante, ba dahuluk ema presiza hanoin uluk antes feto ho mane ida halo relasaun seksuál, ba daruak presiza deskonfia karik ema ne’e hetan ona virus HIV, mekanizmu ne’e posibilidade  prevene an husi transmisaun HIV no mós materiál droga hanesan saringa.

Maibé, CNCS-TL iha polítika atu hamenus infesaun foun liu hosi hasa’e númeiru teste ran no halo tratamentu rutina iha sentru saúde, tanba transmisaun HIV ne’e impaktu ba ema nia saude, realidade iha mundu ohin loron ne’e ema barak sai vítima ba HIV, tanba feto no mane halo tiha relasaun seksuál hafoin hanoin.

Nia hatutan, joven sira presiza buka hatene imformasaun barak no kuinesementu di’ak, fiar an no husu ba ema hotu tenke buka hatene HIV ne e da’et husi ne’ebé?, fasil  halo prevensaun presiza konsiénsia atu hadook an hosi transmisaun HIV ne’e.

Tuir dadus ba Kazu HIV ne’ebé rejista iha Ministériu Saúde, iha tinan 2003 too setembru 2019, hamutuk kazu 1039, mate 131, no sira ne’ebé sei iha prosesu tratamentu hamutuk 465, tanba tauk familia sira la simu.

“see ema ida deskonfia nia an iha ona risku HIV tenke ba teste ran atu komfirma no hemu aimoruk atu labele hada’et ba SIDA,” katak nia

 

Jornalísta    : Pedro de Almeida

Editór         : Dirra de Barros

 

 

Tinggalkan Balasan