Breaking News: Ema Deskoñesidu Hakanek Estudante UNPAZ Ida

Lafaek News—Segunda ohin (03/082020), oras tuku 11:00, mosu grupu deskoñesidu balun sona ho tudik ba estudante UNPAZ hosi Fakuldade Saúde Públiku, maibe ida kanek todan iha parte kbaas no evakua ona ba Ospitál Nasionál Guidu Valadares (HNGV), hodi kontinua ba prosesu tratamentu.

Iha tuku 10:00 otl, situasaun iha resintu Universidade da Paz (UNPAZ), la’o hanesan bai-bain estudante iha ambiente hakmatek, hafoin too iha oras 11:00 OTL, derrepente  mosu grupu deskoñesidu atake estudante sira no konsege oho estudante ida husi Fakuldade Saúde Públiku UNPAZ.

Estudante Fakuldade Saude Publika (UNPAZ)ne’ebe kanek iha parte kotuk laran hafoin ema deskonesidu sona iha resintu UNPAZ.

tuir fontes kredivel ida husi UNPAZ informa via telefone ba Lafaek News katak, motive husi akontesimentu ne’e seidauk hatene loo-loos grupu deskonesidu hirak ne’e.

“Ohin ema grupu deskoñesidu mai oho estudante ida husi fakuldade saúde púbiku, kanek iha parte kbaas, agora lori ona ba ospitál Bidau,” katak fontes konfirmadu ne’e ba Lafaek News via telefone, foin lalais ne’e.

Ligadu ho konfrontu ne’e Lafaek News tenta konfirma ho Reitór Universidade da Paz (UNPAZ), maibé telefone preokupadu hela.

Situasaun atuál iha resintu UNPAZ sei ambiente tramatizasaun ho grupu deskoñesidu ne’ebé derrepente tama iha areadores UNPAZ hodi hakanek estudante husi Fakuldade Saúde UNPAZ ne’e.

      Jornalista            : JCS

       Editora                : Nelya Barros

Satu tanggapan untuk “Breaking News: Ema Deskoñesidu Hakanek Estudante UNPAZ Ida

  • Agustus 3, 2020 pada 3:25 am
    Permalink

    favor hadia itabot sira nia news refere estudante hetan dt kanek maibe laiha kazu mate

    Balas

Tinggalkan Balasan