Boavista “Lulun” Emmanuel Fc ho Skor 2-0

Lafaek News-Ekipa Boavista Fc hahú lulun ona Emmanuel Fc iha liga Federasaun Futebol Timor Leste (FFTL) ho eskor 2-0 iha estadíu munisipál Díli, Kinta 03 Setembru 2020, tuku 4:00 lokraik Oras Timor-Leste (OTL).

 Ho preparasaun hosi ekipa rua Boavista Fc vs Emmanuel Fc ho uniforma ne’ebé mak furak tebes hodi hakat tama ba kampu munisipál Díli. 

Iha jogu primeira parte ne’ebé furak, halo jogu moris tebes, liu de’it minutu ida, jogadór hosi ekipa Boavista Fc ho númeru kamizola 21, Francyatma Kefi fura kedas golu ida ba guarda rede Emmanuel Fc liuhosi kabesa ka ‘bola ulun’.

Nune’e, jogu ne’e komesa aumetan manas tan de’it, tanba ekipa rua ne’e kontinua esforu iha ida-idak nia ekipa, maibé ne’ebé ekipa Emmanel Fc esforsu la hatudu rezultadu ne’ebé mak di’ak iha jogu laran.

Iha tan minutu 29, jagadór hosi Boavista Fc ho númeru kamizola 77, BoatengApplah les tan golu ida ba ekipa Emanuel Fc liu hosi ‘bola ulun’ ka kabesa, ho nune’e Boavista hatur ho eskor 2-0. 

Ho ida ne’e, jogador Boavista Fc ho númeru kamizola 21 kontinua ataka jogadór hosi Emmanuel Fc, maibé la ho intensaun di’ak, nune’e jogadór refere hetan kartaun kinur iha kampu laran.

Jogu ne’ebé mak furak tebes halo jogadór hosi Boavista Fc kontinu jogu ho bonitu, ne’ebé mak amiasa hela de’it kuarda rede hosi Emmanuel Fc, maibé la konsege hatama tan golu to’o segundu parte remata, Boavista Fc 2 no Emmanuel Fc 0 ho eskor 2:0.

Jornalista : Rosa Fernandes

Editór        : Floriano Soares

Tinggalkan Balasan