Austrálianu Ida Baku Seguransa Timór-oan Iha Aeroportu Nicolau Lobato

Lafaek News-Ohin, sabádu (21/03/2020) tuku 8:00 dadersan Otl, Malae husi Nasaun Austrália ho naran Nehuon Nicolai Anton baku sidadaun Timór-oan nain rua ,ida hanesan seguransa iha aeroportu ida funsionáriu iha kompañia Bollore iha Aeroportu Nicolau Lobato.

Tanba, Funsionáriu iha kompañia Bollore husu ba sidadaun Austrália atu nia fe’en labele halo viajen ba Austrália tanba nia fen ema Indonezia no usa pasaporte Indonezia, tanba despaixu husi embaixada Austrália iha Timor-Leste fó sai katak, sidadaun husi nasaun seluk labele tama ba Austrália . 

Malae husi Austrália halo atividade Timor-Leste hanesan profesor iha school Internationál Pantai Kelapa mak hatudu fali agresaun fizika hasoru sidadaun Timór-oan nain rua ho naran Baltazar hanesan seguransa Maubere no Alexandre Perreira funsionáriu iha kompañia Bollore iha Aeroportu Nicolau Lobato.

Iha kronolojia akontesementu ne’e, bainhira sidadaun Austrália ho nia espoza Indonézi-oan ho oan atu ba Austrália, maibé governu Austrália taka provezóriu Aeroportu atu sidadaun seluk labele tama ba Austrália.

Agresaun fiziku ne’ebé mak malae Austrália halo ba sidadaun Timór-oan to’o monu ba baleta hanesan Funsionáriu iha kompañia Bollore Logistik iha Aeroportu Nicolau Lobato, ne’e mak seguransa Maubere hetan atu halo atuasaun, maibé malae Austrália ne’e tuku hotu seguransa ne’e. 

Iha sikun seluk responsavel Kompañia Bollore Logistik Aeroportu Nicolau Lobato, Olivio Lobato, hatete, los duni Austrálianu ne’e baku duni nia kolega Alex tanba la fó autorizasaun ba Austrália no nia espoza uza pasaporte Indonézia mak atu ba Austrália mak seguransa la fo autorizasaun.

Nune’e mós, Vítima Alexandre Perreira husi kompañia Bollore Logolistik deklara, ami halo tuir orden husi embaixada Austrália katak, sidadaun seluk labele tama ba Austrália.

“Ha’u interven tuir despaixu husi Embaizada Austrália iha Timor Leste, ema nasaun seluk labele ba Austrália ne’e maka, ha’u hato’o ba pasajerus, maibé malae ne’e baku fali ha’u no buti ha’u nia kakorok no koko atu buti mate hau,” deklara vítima ne’e 

Nune’e, vítima ho suspeitu agora dadaun iha Eskuadra Polísia Comoro hala’o hela prosesu investigasaun. 

Bainhira polísia comoro halo investigasaun ba suspeitu ho vítima ne’e hetan partisipasaun husi reprezentante embaixada Austrália no Polísia Federal Austrália akompañia iha eskudra Polísia Comoro.

Iha proseu investigasaun durante oras tolu nia laran ho rezultadu mak Polísia tula suspeitu Austrália ho karreta ba Komandu Polísia Munisípiu Díli (KPMD) hodi kumpri 72 oras iha sela Polísia Kaikoli. 

Jornalísta   : Massinara

Editór          : Manico Ximenes

Tinggalkan Balasan