Austrália  Firme Ho TL Luta Hasoru Covid-19

Lafaek News—Emabixada Austrália iha Timor Leste, embaixadòr, Peter Roberts, tersa (23/6) hasoru malu ho primeiru ministru Taur Matan Ruak, espresa prontidaun hamutuk ho governu Timor Leste luta kontra pandemia Covid-19 inklui haree mòs aspeitu ekonomia.

“Timor livre husi koroña virus, ha’u orgullu tebes, tanba Austrália bele servisu hamutuk ho Timor Leste ba iha luta inportante ne’e, ha’u mós esplika ba primeiru ministru kona-ba populasaun entre Timor Leste ho Austrália diak liu hotu, tanba hanesan vijiñu kolega no ha tempu defisil hasoru dejafiu hamutuk,” dehan embaixadór Austrália ba jornalista hafoin hasoru malu ho Primeiru Ministru iha palásiu governu tersa, (23/06).

Embaixadór Austrália iha Timor ne’e informa ba primeiru ministru katak Austrália prontu servisu hamutuk kona-ba Vijilánsia sentinela hodi luta kontra Covid-19.

“Iha tempu estadu emerjénsia  ha’u nia ekipa inklui mós ekipa defesa no polisa Austrália nafatin servisu hamutuk ho governu timor leste liliu ministeriu saúde inklui sentru integradu jestaun krize hodi haree ba surtu Corona virus, ami sei kontinua servisu hanesan ne’e, maibé buka mós dalan seluk hodi luta impaktu ekonomia no suporta dezenvolvimentu,” dehan Peter.

Alende ne’e mós nia dehan, krije koroña virus la’os impaktu ba saúde de’it maibé iha mós impaktu sosiál no ekonomia tan ne’e dezenvolve mós area ekonomia.

“Ha’u fiar katak husi krize sai oportunidade ba Austrália ho Timor Leste servisu hamutuk, ami mós hakarak foka ba ekonomia  ezemplu Austrália suporta ona programa nasionál dezenvolvimentu suku ne’ebé fundu husi Austrália, tanba programa ne’e bele suporta komunidade iha nível suku no fó oportunidade ba populasaun bele hetan servisu no osan hodi responde ba nesesidade uma laran,” nia esplika

Embaixadór ne’e hakarak haree mós kona-ba oportunidade foun iha area agrikultura, programa nasionál dezenvolvimentu suku, estrada rurál, Austrália nia programa hirak ne’e, maibé di’ak liu kontra uluk impaktu husi koroña virus.

 

Jornalista         : Pedro de Almeida

Editora              : Nelya Barros

 

Tinggalkan Balasan