Atensaun PNTL Sei Chek Point Iha Loron Finadu

Lafaek News—Komandante Jerál Polísia Nasionál Timor-Leste (PNTL), Komisáriu Faustino da Costa, deklara  komandu jerál bolu ona komandu munisípiu hotu hodi fó orientasaun kona-ba preparasaun atu pasa revista transporte públiku iha ámbitu selebrasaun loron finadu iha tinan ne’e.

“Ba finadu  nian ita iha preparasaun tanba dala balun ema misa ho ai-funan mos iha problema no balun halo problema iha rate laran  tan ne’e ohin ita bolu komandate munisípiu sira hodi fó orientasaun ba sira oinsá atu asegura probéma liu-liu iha tempu finiadu,” dehan Komisariu Faustino ba jornalista iha komandu jerál kaikoli Dili, tersa (10/20/2020).

Lider seguransa rai laran ne’e afirma iha semana ida ne’e populasaun sira ne’ebé hela iha Dili sei dezloka ba kada  munisípiu hodi selebra loron matebian nia ne’ebé sei realiza iha loron daruak fulan Novembru nian.

Tanba ne’e, PNTL sei kontrola másimu pasajeirus ne’ebé tabele iha karreta hanesan plafon leten no bis nia odamatan atu nune’e evita asidente iha loron finiadu ne’ebé sei realiza iha fulan Novembru tinan ne’e.

 “Orientasaun teknikamente ita fó ona ba komandu munisípiu sira atu asegura situasaun sira ohin ha’u mensiona ne’e la bele akontese,” Komisariu ne’e rekomenda.

Transporte ne’ebé dokumentus la kompletu bainhira halo viajen ba munisipiu iha tempu finiadu, komandu munisipiu iha barajen pasa revista (check Point), tanba  Komandu munisípiu hotu halo ona identifikasaun fatin atu halo pasa ravista.

 

Jornalista  : Orlando Magno

Editora       : Nelya Barros

Tinggalkan Balasan