Akara : TL Bele Ameasadu Sai Lixu Ba Lia falsu

Lafaek News—Sekretáriu Estadu Komunikasaun Sosiál (SEKOMS), Mericio Akara, hateten ema hotu tenke hamrik hodi dehan lae ba lia falsu (hoax) atu labele salva Timor Leste hus ameasa ba future nasaun Timor Leste.

Akara hatoo asuntu ne’e iha nia diskursu hafoin organiza long mars husi Palasiu Governu ba Largo Lesidere, sesta (19/09/2020) hodi hala’o kampaña nasionál kona-ba Kombate Hoax no promove internet saudável ho slogan “Hamutuk Hamrik Hapara Lia Falsu.

“Ita nia nasaun sei sai hanesan fatin lixu karik ita konsumu de’it lia falsu tanba ameasa ne’ebé realidade akontese agora, ita la sente tama ita nia kakutak hodi fo influénsia ne’ebé ita nia kakutak la funsiona ho di’ak tanba nakonu ho enerjia negativu entaun hanoin atu dezemvolve nasaun ne’e menisona ida ne’e mak ita nia prokupasaun”, nia prekupa.

Nia dehan, parte governu nia preokupasaun hakarak iha tinan 10 mai tan posibilidade mai ho kultura foun atu bele ajuda nasaun labele konsumu de’it lia falsu, tanba fenómena ne’ebé la’o dadauniha Timor nia leet kuaze gasta enerjia barak, kada loron minimiza malu, uza meius komunikasaun atu tolok malu halo nasaun no ema nia kakutak hanesan lixu ne’ebé dadeer too loraik hatama lixu ka lia falsu.

Nia dehan, Tempu ona hamutuk atu kombate hoax (lia-falsu) no promove internet saudável tanba la’os ona tempu atu hamate internet la’os mós kompeténsia atu hamate facebook no la’os atu hamate plataforma dijital sira ne’e.

“Ita nia oportunidade atu uza internet ho pozitivu hodi download siénsia ne’ebé atu inspira ita hodi dezemvolve ita rain hanesan YouTube, sira promove video di’ak hodi inspira ema nia hanoin sira halo planu ba vida di’ak liu, tan ne’e iha parte ida ita kombate Hoax no parte ida ita provoka internet saudável,” Akara informa.

Hodi dehan lia falsu sai ameasa boot iha era global liu-liu iha rai ne’e, maibé Timor-Leste sei tama iha kultura ida ho naran Dijital mundu, hakarak ka lakohi nasaun ida ne’e sei husik kultura konvensionál ba fali kultura dijitál.

“ita tenke aproveita era dijital ba ita nia nasaun atu ita nia nasaun lao nafatin ba oin hamutuk ho nasaun seluk tama iha era dijital dezemvolve ekonomia kriativa no ita nafatin kolavora tanba laos kampaña iha nasionál de’it maibé ita nia ekipa sei halo kampaña iha munisipiu hodi dehan ba joven sira kontinua uza internet ho pozitivu no kombate Hoax tanba beneno ba ita nia kakutak inklui ameasa ba ita nia aan ba ita nia nasaun,” Akara Esplika.

Mericio argumenta, programa ida ne’e SEKOMS lansa hanesan idea ida atu halo edukasaun sívika hodi prepara sidadaun nasaun Timor-Leste hodi tama iha era dijital, tanba era dijital fasilita lais liu no ajuda ema atu fahe esperiénsia ba ema barak.

Ema hotu hatene plataforma online fasilita ema atu akompaña informasaun iha fatin hotu, maibé tenke prepara an, tanba aspetu ameasa mós iha no loron ruma.

“Ohin ita konsentra iha ne’e atu kombate lia falsu, tanba Hoax sai ameasa ba ita nia sidadaun ne’ebé balun seidauk iha konsiénsia, entaun ita konsume kualker informasaun gosip, no mós dala ruma la kuidadu bele destroi ita nia unidade iha komunidade nia leet,” nia relata.

 

 

Jornalista            : Orlando Magno

Editora                : Nelya Barros

Tinggalkan Balasan