Akara : La Fasil Taka MedSos

Lafaek News – Sekretáriu Estadu Komunikasaun Sosiál (SEKOM), Mericio Akara, nia parte alerta ba Timor-oan hotu atu utiliza media social ho responsabilidade tanba difisil atu taka.

Sekretariu Estadu Komunikasun Sosial (SEKOMS), Mericio Akara, hateten, asuntu liga-ba kombate Hoax promove saudavél ne’e preokupasaun ida mós ba  governu  tanba husik era konvensional tama da-daun era globalizasaun dijital hahú domina.

 “Ita tama era foun ne’e sei fo mai ita sivilizasaun foun, iha oportunidade maibé iha mós desvantajen se ita la kuidadu, tanba ita laiha tempu atu taka media sosial sira, dala ruma ita mós laiha direitu atu taka facebook tanba facebook la’os iha ita nia nasaun iha fatin seluk, ne’e mundu ninia, ne’ebé mundu agora lori ita ba kultura foun ba sivilizasun foun,” dehan SEKOMS Merisio Akara iha nia diskuru iha kampaña nasionál kombate Hoax iha Golgota Mall, sesta, (23/10/2020).

Akara hatutan, tanba ne’e estadu ho governu iha responsabilidade bo’ot ba nia sidadaun atu prepara sidadaun hodi tama era foun ne’e no konsidera hanesan oportunidade di’ak atu aproveita hodi desenvolve sisvilizasaun foun no promove ita nia nasaun ba mundu, nune’e sei kontinua atividade ne’e to’o iha munsipiu sira.

“Ami sei kontinua atividade ida ne’e ba munisipiu hotu-hotu sei ekstende ba grupu hotu ba eskola sira, edukasaun sivika sei kontribui makas hodi rezolve ita nia problema lia falsu no uza internet la matenek iha ita nia rai nen fator, maibé eduksaun sivika inportante liu tanba ita hakbesik ba sidadaun ita promove no eduka oinsa sidadaun timor sai matenek,” nia esplika.

Nune’e mós Embaixador Australia Peter Roberts, liu husi nia diskursu, espresa nia senntimentu kontente ho marsa hamutuk hodi halo kampaña nasionál kombate Hoax, nune’e nia parte agradese ho atividade ida ne’e bele kombate Hoax aproveita internet saudavel.

“Ha’u kontente tebes bele marsa hamutuk ho ita bo’ot sira hotu oinsa atu usa internet ho saudevel, ha’u fiar katak ita hotu iha responsabilidade atu pomove internet ho saudavel no agradese tanba bele realiza eventu ida ne’e,” dehan nia.

Enkuantu, atividade kampaña nasionál kombate Hoax ka kontra lia falsu ne’e hala’o marsa husi estatua prezidente Nicolão Lobato Komoro to’o Golgota Mall, partisipa direta husi sekretariu estadu na;in rua Mericio Akara ho Teofilo Caldas, no eis Primeira Dama Isabel da Costa Ferreira, inklui estudante sira.

 

Jornalista : Pedro de Almerida

Editora      : Nelya Barros

Tinggalkan Balasan