Akademista “Sadik” Deputadu PN Kansela Osan Alojamentu $ 450

Lafaek News—Akademista Universidade Nasionál Timor Loro sa’e (UNTL), Departamentu Dezenvolvimentu Komunitáriu, Julio Aparico, husu deputadu sira kansela osan alojamentu kada deputadu ho montante $.450.

Tuir nia, deputadu sira iha nasaun avansadu sira, sempre iha subsídiu alojamentu dala ruma boot liu ida-ne’e, maibé iha Timor-Leste, favor ida hanoin malu labele deputadu ona hakarak buat hotu luxu, maibé povu nia moris sei nafatin terus ida ne’e injustisa.

“Ha’u nia hanoin mak ne’e, se sira barani hanesan reprezentante povu, entaun  halakon tiha subsidiu alojamentu $450 ne’e,  kona-ba pulsa nian, no kombustivél ba kareta sirabele hetan nafatin, maibé, subsidiu ida alojamentu ba sira ne’e di’ak liu hasai tiha ida ne’e para ita hotu terus hamutuk ho povu,” dehan julio Aparicio, iha nia kna’ar fatin, FASPOL, Kaicoli, (25/08/2020)

Nia hatutan, funsionáriu públiku mós la hetan subsídiu alojamentu, maibé tanba sá mak deputadu sira de’it mak hetan subsídiu, signifika injustisa boot liu iha Timor-Leste.

“Ami mós la hetan subsídiu alojamentu no funsionariu sira ne’ebé uluk kedas servisu mós la hetan alojamentu maibé tanba deputadu foin mai tinan lima de’it hetan kedas subsidiu alojamentu ne’e injustisa ne’ebé boot liu iha Timor-Leste,”tenik nia.

Enkuantu antes ne’e, Prezidente Parlamentu Nasionál, Aniceto Longinhos Guterres Lopes, hateten deputadu hamutuk ema nain 65, maka kada fulan simu osan alojamentu ho montante $450 no tinan kada deputadu hetan montante $5400 dolar.

 

Jornalista    : Egidio Nono

Editora        : Nelya Barros

Tinggalkan Balasan