Adolmando Konsidera Timor La’os Nasaun Agrikultura

Lafaek News—Reitór Universidade da Paz, Adolmando Soares Amaral, konsidera Timor-Leste la’os nasaun agrikultura, tanba area produtivu kiik no la merese atu prodús produtu ho kuantidade boot hodi garante sustentabilidade.

Ekonomista ne’e fó razaun Timor Leste la’os nasaun agrikultura, tanba haree ba realidade povu mak maioria dependénsia ba vida agrikultór, no razaun seluk rezultadu produsaun ho kuantidade kiik ne’ebé la responde ba nesesidade iha rai laran.

“See ita investe iha natar ha’u hanoin produsaun iha Timor laran la bele hatan ba konsumu povu Timor nian ba kada tinan, tanba ne’e mak ita labele konsidera Timor ne’e hanesan agrikultura,” katak Adolmando Amaral ba Lafaek News iha  kna’ar fatin, UNPAZ, foin lalais ne’e.

Hodi dehan, maski nasaun la’os agrikultura, maibé governu bele halo investimentu agrikultura ida ne’ebé bele iha kapasidade atu hatan ba nesesidade exportasaun de’it atu nune’e la bele depende ba importasaun.

“Ita bele halo importasaun ba nesesidade povu nian hanesan foos ita bele importa, maibé ita bele exporta fali baunila, maek, xokolate no cenke tanba ita iha area agrikultura ne’ebé iha poténsia uituan atu kuda produtu sira ne’e,” dehan nia.

Nia hatutan produtu sira ne’ebé temi ona iha leten ne’e ninia folin Timor laiha maibé ita exporta ba rai liu nia folin boot entaun husi ne’e ita bele hetan rendimentu husi ne’e.

Nune’e atu atividade agrikutura iha rai-laran atu la’o di’ak no hetan asesibilidade ne’e presiza infraestrutura ne’ebé di’ak atu nune’e bele hamoris setór produtivu sira seluk, turizmu no indústria inklui manufatura.

 

Jornalista` : Felisberto Fernandes da Costa

Editora       : Nelya Barros

Satu tanggapan untuk “Adolmando Konsidera Timor La’os Nasaun Agrikultura

  • Agustus 11, 2020 pada 2:20 pm
    Permalink

    Jornalista mak hakerek sala k retor nia kakutak mak hanesan neé duni? Sita dadus ruma karik hau sei louva ita nia ideas.

    Balas

Tinggalkan Balasan