Administradór Tutuala Husu Governu Atensaun Bibi Rusa iha Illa Jaco

Lautém-(Lafaek News)—Adminstrador postu Administrativu Tutuala munisípiu Lautém, Carlito Pereira, husu ba governu sentral atu forsene bee ba bibi rusa iha illa Jaco ne’ebé durante ne’e mate ba hamrook, tanba laiha fornesimentu bee ba animal protezidu.

“Ha’u husu atu governu central tau atensaun ba balada fuik sira iha ilia Jaco relasiona ho bailoro naruk ne’e be laiha kauja bibirusa iha ilia Jaco ne’e mate, ami husu ona ba kompania lokál ne’ebé halo hela estrada iha area Tutuala nian hodi forsene be mós ba animal fuik sira iha Jaco maibé problema ida maka atu transporta bee mós ba iha ilia Jaco peskadór sira persija kombustivel hodi atesta ba iha bee ro sira tanba kada semana ida lori be dala tolu hodi fornese ba rusa sira iha illa Jaco ne’e, dehan Carlito Pereira ba lafaek news via telefone sesta (30/10/2020).

Administradór Tutuala ne’e husu nafatin ba ministerial kompetente atu monta tan tanke be nian iha illa Jaco, tanba populasaun ne’ebe haree bibi rusa iha illa Jaco haktuir katak kada tinan rusa sempre aumenta no balun mos mate, tanba laiha bee, maske nune’e husu ona governu atu fornese bee ba animal protezidu hirak ne’e, maibé seidauk iha resposta pozitivu.

Sorin seluk xefe peskadór, Adriano da Costa, haktuir governu fornese konbustivel sira prontu forsene bee mós ba bibi rusa sira ne’e tanba bailoron naruk ne’e halo bibi rusa sira iha illa Jaco amesa bele mate.

“Uluk ne’e diresaun floresta mak fo mina ba ami atu tula be mós ba fo bibi rusa sira, ami prontu servisu kada semana grupu peskador troka malu lori be mós ba ilia Jaco maibé agora mina laiha bibi rusa sira iha ilia Jaco amesa mate,”

 

 

Jornalista     : Elidio Castro

Editora          : Nelya Barros

 

Tinggalkan Balasan